PRIMM D’APRIL

pesce2

Primm d’april, l’è tradizion
de fà on pèss cont el carton
e piccall dedree di spall
per fagh fà la part del ciall

a l’amis, che senza dass
l’è per tucc reson de spass

Quèll d’incoeu l’è on dì balòss
te pò capità tusscòss!
Drizz i oregg, l’oeugg fà ballà
che l’è facil toppiccà

De scampalla t’hee creduu?
Te see in terra, a settacuu!

Sì, gh’è minga de fidass
và via drizz e slonga el pass
Stà in campana e rampinent:
borlagh denter ghe voeur nient!

On intracchen e in d’on bòtt
t’hee boccaa come on… pessòtt

E a vialter smaliziaa…
el mè pèss ve l’hoo taccaa!
E l’è pròppi straordinari
‘sto mè pèss immaginari

L’è linguascia… come mì
Marameo! Mì Son faa inscì!

pesce

Autore articolo: Edo Bossi

 

1 thought on “PRIMM D’APRIL”

  1. Piera Cannizzaro

    Bello avere tra noi un Edo fatto “inscì” !!!

    Spiritoso come sempre, mi hai ricordato il pesce d’aprile preferito da noi bambini .

    Quante belle risate, e come “ci si guardava alle spalle”, per il timore di essere vittima di quel pesce di carta!

    Piera

Comments are closed.

Scroll to Top